რა არის სტომატოლოგიური ხიდი?

სტომატოლოგიური ხიდი გამოიყენება დაკარგული კბილების ჩასანაცვლებლად. ის გამოიყენება როგორც ერთი დაკარგული კბილის, ასევე რამდენიმე კბილის ჩასანაცვლებლად.

სტომატოლოგიური ხიდის სტრუქტურა

ხიდი მოიცავს რამდენიმე ძირითად ნაწილს:

ხიდის საყრდენ ნაწილს ანუ ის ნაწილი რომელიც იჭერს ხიდისებრ კონსტურქციას, ეს ბუნებრივი კბილის შემთხევაში შეიძლება იყოს წინასწარ მომზადებული კბილის ტაკვი ან იმპლანტის შემთხვევაში იმპლანტის ზედა ნაწილი, იგივე აპატმენტი.

ხიდის შუალედურ ნაწილი - ანუ ის ნაწილი რომელიც ავსებს დანაკლის კბილს.

სტომატოლოგიური ხიდის ტიპები

სტომატოლოგიური ხიდის ძირითადი ტიპებია:

1. კლასიკური კერამიკის ხიდი – ყველაზე გავრცელებული ფორმა. შედგება ორი გვირგვინისგან, რომლებიც მიმაგრებულია გვერდით მდგომ კბილებზე, ხოლო შუალედს ავსებს ხელოვნური კბილი.
2. კონსოლის ტიპის ხიდი – ერთ მხარეს საყრდენზე დამაგრებული ბრიჯი. გამოიყენება მაშინ, როცა სივრცის მხოლოდ ერთ მხარეს არის ბუნებრივი კბილი. შედარებით სუსტია ტრადიციულთან შედარებით.
3. მერილენდის ხიდი – გვირგვინების ნაცვლად გამოიყენება კომპოზიტური მასალა, რომლიც მიმაგრებულია მეზობელი კბილების უკანა ზედაპირზე.
4. იმპლანტზე დამაგრებული ხიდი – ფიქსირდება კბილის იმპლანტებზე, რომლებიც ჩასმულია ყბის ძვალში. იდეალურია სამი ან მეტი კბილის დაკარგვის შემთხვევაში.

ხიდის უპირატესობები და ნაკლოვანებები

უპირატესობები:
- ბუნებრივი იერსახე და ესთეტიურობა;
- მეზობელი კბილების გადანაცვლების თავიდან აცილება;

ნაკლოვანებები:
- საყრდენი კბილების დაზიანების რისკი;
- თუ მეზობელი კბილები სუსტია, შესაძლოა ვერ გაუძლონ დატვირთვას;

რამდენ ხანს ძლებს სტომატოლოგიური ხიდი?

საშუალოდ, ხიდის ექსპლუატაციის ვადა 10-15 წელია. კარგი მოვლის შემთხვევაში შეიძლება უფრო დიდხანს გაძლოს, მაგრამ ის საჭიროებს დროთა განმავლობაში ჩანაცვლებას.

სტომატოლოგიური ხიდის მოვლა

ხიდის ხანგრძლივი შენარჩუნებისთვის საჭიროა:
- რეგულარული ჯაგრისით და ფლოსით წმენდა;
- ფტორის შემცველი პასტის გამოყენება;
- ძალიან მაგარი ან წებოვანი საკვების თავიდან აცილება;
- სტომატოლოგთან პერიოდული შემოწმება;

• გაზარება: